Karon nga nagahilapit na ang eleksyon, pamunuan sang militar sa Negros ang nagapahanumdom sa maga kandidato nga indi gid maghatag sa ano man nga ginademanda sang rebeldeng grupo.
Suno kay 303rd Brigade Commanding Officer, Brigadier General Inocencio Pasaporte, luyag niya nga i-remind ang mga kandidato, labi na sa pagsugod sang kampanya, nga kun makabaton sila sang extortion letter gikan sa rebeldeng grupo nga sa masami ginapadala kabaylo sang pagtugot sa mga kandidato sa pagkampanya sa pila ka mga lugar, indi sila dapat maghatag.
Suno kay Pasaporte, ang paghatag mahimo mangin basehan sa pagpasaka sang kaso, labi na karon nga na deklara na ang rebeldeng grupo nga terorista.
Dugang pa ni Pasaporte naghuyang na ang pwersa sang rebelde gani ang mga ginabuhat sini mga pagpamahog lamang.
Natalana pa nga magsapol ang militar sa commission on elections sa 4th quarter sini nga tuig para talakayon ang peace ang order situation sa mga kabarangayan.
[sibwp_form id=1]