Philippine Army ang nag pakig-angut na sa mga mayor labi na sa northern Negros sa pag pabaskog sang intelligence network.
Ini may angut sa asud-asud nga pag pamatay sang rebeldeng NPA sa mga sibilyan nga suno sa ila mga informant sang militar.
Suno kay Brigadier General Ted Dumusmog ang pamuno sang 303rd Brigade sang Philippine Army naka pakig angut na sila kay Toboso Mayor Richard Jaojoco, Calatrava Mayor Marilyn Era, Escalante City Mayor Melecio Yap kag Cadiz City Mayor Salvador Escalante, Jr., para mapahamtang ang intelligence network agudto malikawan na ang dugang pa nga pag pamatay.
Upod na diri ang police sa barangay kag ang kapulisan.
May separado naman nga pag pangusisa nga gin patigayon ang Commission on Human Rights sa damlag pa report nga pag patay sang mga pito ka persona nga gin-ako man sang NPA.
Suno kay Dumusmog padayon ang pag pangilkil sang mga NPA kag ang mga gina lunsar sini nga mga hilikuton pag pabatyag na lamang nga yara pa sila.
Damlag pa ang Police Regional Office – NIR ang nagmando sang pagtuga sang Task Group para mag tutok man sa kaso.
“We are trying to establish an intelligence net up to the farthest sitio. Para talaga kung may suspected diyan na gusto na naman mag liquidate or mag extort mabilis yung network natin, together with the police”, suno kay Dumusmog.