Shadow

Army kag NPA nga napatay sa encounter sa Kapitan Ramon ginlubong na

79th IB photo

Soldado nga napatay sa engkwentro sa siudad sang Silay ang gintagaan sang pasidungog sang ginlubong sa Badiangan, Iloilo.

Baganihan ang pagkabig sang Philippine Army kay Private First Class Christopher Alada nga ila ginpasidunggan pinaagi sa ceremonial gun salute sang ginlubong sa Badiangan Public Cemetery sa Iloilo sang Sabado.

Si Alada nga katapo sang 79th Infantry Battalion ang napatay sa nagluntad nga enkwentro batuk sa katapo sang New People’s Army sa Hacienda Raymunda Sa Barangay Kapitan Ramon sa siudad sang Silay sang Agosto 20.

Si Army Lieutenant J-Jay Javines, commander sang 79th IB ang nagpasalig nga magapadayon ang ila masupog nga tikang agud mapukan ang local armed conflict sa northern Negros.

Sang Sabado man ginlubong sang katapo sang army upod sa local government ang bangkay ni Ka Pabling, ang isa sa mga katapo sang npa nga napatay man sa amo nga engkwentro.

Sa lubong nagpaandam man si javines sa mga nabilin nga katapo sang rebelde nga dapat magbiya na sa hublag agud indi madangatan ang natabo kay ka pabling nga husto lang ginbayaan sang iya kaupdanan nga npa nga nalagyo sa tunga sang engkwentro.

Leave a Reply

Your email address will not be published. Required fields are marked *

Secured By miniOrangeSecured By miniOrange