Nagluntad kahapon ang ika anum nga enkwentro sa Barangay Carabalan sa Himamaylan City sa padayon nga hot pursuit operation sang militar. Suno sa army, ginabulubanta 5 ka mga miyembro sang Central Negros 2 sang CPP-NPA amo ang naka enkwnentro sang tropa sang 94th Infantry Battalion.
Naglawig sang lima ka minutos ang pag bayluhanay sang lupok. Wala man sang may nasamaran ukon napatay sa bahin sang army.
Samtang, sa Barangay Culapaan sa Guihulngan city nag luntad kahapon ang ika walo nga enkwentro subong nga Oktubre.
Isa ang gina patihan patay sa hanay sang rebelde. Nag lawig sa lima ka minuto ang enkwentruhanay sang rebelde nga grupo kag sang 62nd IB.
Suno sa army plano kun tani mag patigayon sang extortion activity ang mga rebelde sa lugar apang napunggan ini sang army.