Shadow

Armas baylo bugas, module baylo bugas

Kun sadto anay masako ang kaso sang pagpaniro kag patyanay sa Barangay Mambulac sa Silay City…karon haluson ka na lang makabati sang sini klase nga mga balita suno kay Punong Barangay Hazel Cordero magluwas sa pandemic, dako man ang bulig sa programa nga armas baylo bugas sang PNP.

Humalin sang ginsuguran ini sini nga bulan sang Oktubre, may apat na ka mga granada kag mga pusil nga gin surrender sa ila.

Mismo ang mga residente na nga may mga armas sa ila balay ang boluntaryo nga naga sungka sini

Dako ini nga bulig sa peace and order situation sang barangay suno kay Cordero bangud nag hagan hagan na ang ila gina respondehan nga mga kaso sang maoy.

Sa Toboso naman, may module baylo bugas naman nga programa ang lokal nga panguluhan.

Sa kada module nga gina submit sang ginikanan kada semana, may isa siya ka kilo nga bugas. Suno kay Mayor Richard Jaojoco pinaagi sini mahaylo ang mga ginikanan nga indi pagpa untataon sa pag ekswela ang kabataan bisan modular lang.

Gikan sa 80 percent nagsaka sang masobra sa nubenta porshento ang ila nga enrollment rate suno sa alkalde.

Pati ang may day care teachers nga wala sang may gina tudluan sa karon ang ginhimo anay nga mga tutor sang LGU para sa mga estduyante nga kinahanglan tutukan.

Ini ang mga sahisa sang programa nga indi lang basta basta naga duhol sang kalan-on ang barangay ukon lgu kundi kinahanglan man sang partisipasyon sang mga pumuluyo.

1 Comment

Leave a Reply

Your email address will not be published. Required fields are marked *

Secured By miniOrangeSecured By miniOrange