MassKara Festival arena dance competition sa gihapon ang patigayunon sa Paglaum Sports Complex.
Sang Lunes nagsapol kay Provincial Administrator Rayfrando Diaz, si Bacolod City Administrator, Pacifico Maghari, III, City Legal Officer, Romeo Carlos Ting, Jr., kag tiglawas sang Bacolod Yuhum Foundation nga gin pamunuan ni Kayte Matiling.
Suno kay Diaz, sulat na lamang gikan kay Bacolod Mayor Albee Benitez ang ila nga ginahulat para pormal nga matigayon ini.
Nagsuat ang Bacolod Yuhum Foundation, pero Indi man abi accredited ini sa probinsya gani wala ini sang legal personality suno kay Diaz.
Libre ang pag gamit sang Paglaum Sports Complex suno kay Diaz lakip na ang manpower diri, kag kabaylo sini luyag sang probinsya nga kilalahon sang Bacolod ang Negros Occidental bilang major sponsor.
“Libre, but we want that request to be written by Mayor Albee nga free of charge. In exchange ga request man si province nga kilalahon man ang province as a major sponsor, kay daku man mo. Manpower, Jos, security personnel kun i-quantify mo as monetary , daku-daku naman, so gamay man lang na nga request”, suno kay Diaz.
Yari na sa siudad kun may luyag pa sila nga ipakaayo sa Paglaum santo sa ila man nga mga specifications para sa amo nga event.
Magluwas sa Paglaum naghinyo man ang Bacolod kun pwede magamit ang North Capitol Road kag ang Capitol Lagoon.
Wala naman sang MassKara sa Panaad.