Isa ka architect nga taga Victorias City ang ikatlo nga nag file sang certificate of candidacy sa pag ka gobernador sa probinsya.
Si Jonathan Paul Octaviano sang Partido Lakas ng Masa ang nag file sang iya COC kaina sang udto.
Upod niya nga nag file man para sa pagka congressman sa first district si Pastor Erie Mahinay sang San Carlos City kag Joel Bantigue sang Talisay City para sa pagka congressman sa third district.
Suno kay Octaviano, gina tanyag niya ang iya nga serbisyo para sa mas maayo pa gid nga Negros Occidental labi na nga sa economic survey number 61 na ang probinsya gikan sa 82 ka probinsya.
Sadto anay suno sa iya naga panguna pa ang probinsya.
Samtang, isa ka radio broadcaster ang nag file sang iya nga certificate of candidacy sa pag ka board member sa 4th district sini nga hapon.
Suno kay Angelo Quitco nga taga San Enrique, nga sadto anay isa man ka Disk Jockey kag nag trabaho man bilang station manager sadto, siya ang katapo sang Agila ng Silangan. Maga papili siya bilang independent candidate.