Ang ordinansa, nga gin-author ni Councilor Atty. Caesar Distrito kag co-authored nanday Councilor Celia Flor kag Councilor Dindo Ramos, nagatuyo nga mapasangkad ang access sa dekalidad nga edukasyon paagi sa financial assistance para sa tuition, libro, transportasyon, kag iban pa nga school-related expenses.
Qualified nga aplikante ang mga PWDs kag ila kabataan nga residente sang Bacolod sang at indi magnubo sa lima ka tuig, kag ang sa solo parents – may bata nga unemployed ukon minimum wage earner nga may annual income nga mas nubo sa ₱180,000.
Kinahanglan nga enrolled sa duly recognized secondary, tertiary, ukon vocational, technical school kag may general average nga at least 80%.
Ang application iga-submit sa Public Employment and Services Office ukon PESO, kag pagahimoon ang evaluation kag screening upod ang DSSD, City Budget Office, PDAO, kag representatives sang recognized PWD kag solo parent organizations.
Ang mga qualified scholars iga-endorso sa City Mayor para sa final nga approval.
Suno kay Councilor Distrito, ang mga detalye sang financial assistance magadepende sa alokasyon nga ipagwa sang alkalde.
Ang ordinansa ginapaabot nga maaprubahan sa third and final reading sa city council.*