Suno kay Senate Majority Floor Leader Juan Miguel Zubiri gin aprubahan sa senado sang kahapon ang hagna nga naga duso sang pagpatukod sang P600M nga Bacolod City Genaral Hospital sa third reading.
Suno sa senador, pirma na lang sang presidente ang kinahanglan para matigayon na ini.
Si Zubiri ang nag author kag co sponsoe sang Senate Bill No. 1647, ang counterpart sang House Bill No. 6731 ni Bacolod Congressman Greg Gasataya.
Sa karon may isa lang ka tertiary level hospital sa Negros Occidental kag ang Bacolod pa lamang ang may yara na sang masobra sa tunga sa milyon nga populasyon.
2019 sang una ini nga gin file ni Gasataya sa kongreso. Gani amo na lamang ang iya nga kalipay nga mahatagan na gid man sang katumanan ang madugay na nga handum sang Bacolodnon nga maka angkon sang kaugalingon nga ospital.