Apat sa 39 nga nag positibo sa pag gamit sang iligal nga drogasa Silay City ang nag contest sang ila nga resulta. Ini suno kay Mayor Joedith Gallego matapos nga sila ang nag negatibo sa test sa separado nga test nga ila gin patigayon.
Suno kay Gallego ang ila nga inisyal nga resulta ang ipaidalom pa sa confirmatory test.
“Ang iban da ga ano sila ya wala sila gagamit, nag pa laboratory na sila liwat sa diagnostic. Nag negative sila. Amo nagin pa subject namon sa confirmatory na lang. Apat sila kabilog(ang nag negative? so kun nag negative sila ano matabo sa ilabale sa ila mayor? i-contest nila ang result?) Huo na contest nanila”, suno kay Gallego.
Padayon sa karon ang pag patuman sang mandatory drug testing sa mga empleyado sa Silay City.
As of August 8, suno sa hepesang Silay PNP nga si Lt Col Mark Darroca, duha ka regular employee kag 37 ka job order workers kag casuals ang nag positibo. Suno kay Gallego, ang duha ka regular nga empleyadoang nag resign na ang yadtong naga hulat pa sang resulta sang confirmatory test ang padayon nga naga report. Ang iban nadismiss na sa serbisyo.
As of august 8. 1,010 ka empleyado sang siudad ang napaidalom sa drug test kag suno kay Gallego, magatapos ang drug test tubtob ang tanan na subject na diri.