Shadow

Apat ka personnel sang Sipalay DepEd nag positibo sa COVID-19

Apat ka mga personnel sang Sipalay DepEd Division ang nag positibo sa Covid-19.

Suno kay executive assistant Dionilo Bogtae nga pamuno man sang SEARS ukon Sipalay Emergency Assistance and Rescue Service, una na nga may nag positibo sa virus kag nag patigayon sila sang contact tracing.

Sa mga close contact duha ang nag positibo sa ginpatigayon nga Rapid Antigen Test kag isa pa gid ang nag positibo sa RT PCR test.

Temporaryo nga ginsira ang DepEd Division Office humalin kahapon para sa disinfection kag ginpatigayon nga contact tracing. Samtang, nag bukas na liwat ang birthing unit sang Sipalay kasubong man ang City Treasurer’s Office kun sa diin walo tanan ang nag positibo sa virus sa amo nga mga talatapan.

“Gin temporary man anay namon sila gin-close kagapon nag start tungod nga may duha man nga nag positive sa rapid antigen test sa ila kagapon. Close contact sang isa man ka personnel nila sa division office nga nag positive sa RT-PCR sang mga last day, amo na nag contact trace kami gapon,” suno kay Bogtae.

Secured By miniOrangeSecured By miniOrange