Gikan sa daan nga city hall sang Bacolod, nagbalhin na ang Department of the Interior and Local Government sa CyberCentre sa dalan Lacson.
Suno sa OIC sang City Engineer’s Office nga si Loben Ceballos, tatlo pa sa mga departamento kag ahensya nga sadto anay wala pa sang masaylohan nga pasilidad ang nadesisyonan sang siudad nga ipahamtang sa CyberCentre.
Ini agud nga mahawanan na ang daan nga city hall para sa natalana nga demolisyon antes matapos ang bulan sang Mayo.
Sa karon nagapabilin pa sa daan nga city hall ang opisina sang OWWA kag GSO.
Kabahin sila sa temporayo nga isaylo sa CyberCentre samtang wala pa mahawanan ang pila ka mga opisina sa DAR building sa Barangay 14 nga amo kuntani ang ila salayluhan.
Sa Hunyo ginapaabot nga masuguran na sang contractor ang rehabilitation project sa daan nga city hall sang siudad. Magalawig ang construction sa sulod sang 18 ka bulan.