Wala na makapalag pa sa ginpatigayon nga drug buy-bust operation sang Kabankalan City PNP ang apat ka persona lakip na ang ginakabig high value individual sa Purok Uhaw, Brgy 4 kahapon.
Ang mga suspetsado ang ginkilala nga sanday Hinnio Red alyas Onyo, gina-alegar nga myembro ini sang Bugalon Drug Group, John Mark Arante, alyas Santino, John Arnel Costas, alyas Jan-jan, kag Marcelo Medel, III, alyas Third.
Nakuha sa mga suspetsado ang isa ka heat -sealed transparent plastic sachet nga may unod sang ginapatihan shabu nga amo ang buy-bust item, 107 ka iban pa nga magagmay nga heat-sealed transparent plastic sachets nga may unod sang ginasuspetsuhan shabu, kag mga drug paraphernalia.
Na-recober sa gin patigayon nga drug buy-bust operation ang ginabulubanta 6 gramos sang ginapatihan shabu nga may yara sang standard drug price nga P40,800.00.
Yara na karun sa kustodiya sang Kabankalan PNP ang mga suspetsado kag pasakaan sang kaso nga paghupot kag pagbaligya sang iligal nga droga.