Sa radio program ni Mayor Albee Benitez nga Isugid kay Mayor isa isa nga ginpakilala ang lima sa anum ka mga pilili-an sang Asenso Bacolod sa natalana nga convention sa Setyembre 15.
Nalakip sa ila amo sanday Vista Alegre Punong Barangay Jose Maria Leandro Lindy de Leon, Jhun Marby Orola sang Barangay 26, Elmer Villanueva sang Barangay 40, Teodoro Yulo sang Barangay 34, ang negosyante nga si Rico Villafuerte kag anay councilor Homer Bais.
Duha lang sa auom ang pili-on nga idugang sa line-up upod sa napulo ka mga incumbent councilors. Ang anum ka mga magakandidato para sa pagkakonsehal sa idalom sang Asenso Bacolod indi na magpadalagan kun indi mapilian sa convention kag ini ang ila ginkasugtan.
Nagapati si Orola nga isa sa nagpirma sang covenant nga respetohon sang tagsa ka mga applicant ang mangin resulta sang convention sa Domingo.