Anum ka mga job order workers sa San Carlos City ang nagpositibo sa pag gamit sang iligal nga droga.
Ini suno kay Mayor Renato Gustilo kasunod sa ginpatigayon nga random drug testing sa tatlo ka mga departmento sang siuadad sang nagligad nga Agosto 12.
Indi magnubo sa 106 ka mga empleyado sang siudad gikan sa City Cooperative and Livelihood Development Office, Public Market and Slaughterhouse Department kag City Sports Office.
Suno sa alkalde kun job order workers masami nga ini sila ang ginakakas sa serbisyo.
Kun permanent employee ang nag positibo sa pag gamit sang iligal nga droga ini ang gina paidalom sa confirmatory test kag naga depende man sa iga recommend sang duktor.
Kun magsugot sa pag paidalom sa rehabilitation, gina rehab kun may pagsupak mahimo sila ang pasakaan sang kaso suno kay Gustilo.
Regular nga gina patuman ang random drug testing suno kay Gustilo kay may masobra sa isa ka milyon ka pesos nga gina pain nga pondo ang siudad para diri.
“Usually gina himo namon basta job order gina kakas namon. Depende sa sitwasyon. May iban man nga nag signify nga wala na nagbalik pag kadason nag positive gina kakas na dayon namon. Atong na identify na gid na user kag wala gid ga reform gina kakas namon derecho”, suno kay Gustilo.