Anum ka mga banwa kag siudad sa Negros Occidental ang gin-report may kahalitan sang peste.
Sa report sang Office of the Provincial Agriculturist, may mga pananum sa Himamaylan, Binalbagan, Isabela kag Moises Padilla ang gin atake sang fall army worms.
178 ka ektariya ang apektado, 80 ka ektariya sang katubuhan sa Himamaylan ang apektado kag ang nabilin nga 97 ka ektariya mga maisan.
May nabaton man sila nga report sang army worm occurence sa Ilog kag La Castellana pero ini ang ila pa nga iga verify suno sa pamuno sang Crop Protection Section nga si Nilo Basco, Jr. Nasugdan na kahapon ang massive spraying sa Katubuhan sa Sitio Iling-Iling sa Brgy Cabadiangan.
Ini sa tinutuyo nga malikawan ang pag lapta pa sang mga peste kag mabuligan pa recover ang mga pananum suno sa OPA.
Magluwas sa katubuhan may mga maisan man nga na apektuhan.
Gina hikut man sa karon sang OPA ang emergency purchase sang insecticide. 3million pesos ang inisyal nga gin pain nga pondo.