Sa executive order no. 34 si Mayor Albee Benitez gin-activate ang bag-o nga katapo sang BASTF nga amo ang magapadayon sa pagpatuman sang tikang batuk sa kahangawa nga matuga sang non-compliant cigarette products sa mga consumers.
Ang BASTF ang magapasiguro man nga mapangapinan ang interest sang tobacco farmers, growers, workers kah stakeholders sang industriya.
Ang task force amo man ang magapatuman sang City ordinance no.641 nga natuhoy sa mga regulasyon angut pagpanigarilyo sa mga pampubliko nga lugar, conveyances kag advertisement,promotions kag sponsorship sang mga tobacco products.
Nakasaad sa ordinansa nga sarang multahan sang P500 tubtob P2,500 ang mga violators nga madakpan nagapanigarilyo sa indi designated areas.
Ang mga commercial establishment pagamultahan man sang P1,000 tubtob P5,000 kag sarang i-revoke ang ila business permit kun mapat ud nga nagabaligya sang sigarilyo sa menor de edad kag kun wala sang napahamtang nga designation smoking areas.