Sa masobra 3,000 ka mga traditional jeepney nga nakakuha sang business permit sang 2019, may 1,600 na diri ang nakakuha man sang provisional authority halin sa Land Transportation Franchising and Regulatory Board.
Suno kay Land Transportation Office-Bacolod Head Renato Novero, nakasugtan sa ila pagsinapol upod sa siudad ang pagpatuman sang anti-colorum operation matapos man ang ginhatag nga tion para sa mga traditional jeepney operators nga magkuha sang ila nga prangkisa agud makapadayon byahe.
Gani nagapaandam siya sa mga colorum operators nga indi sila magduha-duha nga mang-impound sang mga salakyan nga wala rehistro kag nagakaigo nga permits.
Suportado naman sang siudad ang natalana nga anti-colorum operation nga ipatuman sang LTO upod sa LTFRB sa madasun nga sinemana.