Shadow

Animal welfare task force gintukod

PAWSSion Project photo

Siudad sang Bacolod nagtukod sang animal welfare task force para mapangapinan ang mga kasapatan.

Ini pinaagi sa isa ka executive order nga ginpagwa ni Mayor Evelio Leonardia.

Tuyo sini ang paghimo sang isa ka task force nga ginatapuan sang pampubliko kag pribado nga sektor nga magadihon sang mga rekomendasyon kag pagsulundan kun paano mapangapinan ang mga kasapatan sa siudad ilabi na ang mga layaw nga ido kag kuring.

Gina imbitar man sang task force ang mga animal welfare groups nga makigbahin sa kampanya para iduso ang responsible pet ownership.

Sa idalum sang animal welfare act, ginamando ang pagpangapin kag pag atipan sang mga kasapatan sa pungsod kag mapasiguro nga indi sila pag abusaran kag gamiton sa illegal trade.

Sang nagligad lang nga semana nag viral ang ginhimo nga paglampos sa isa ka layaw nga ido nga gintunaan sang kamatayon sini.

Ini ang ginkaakig sang madamo nga mga netizens.

Leave a Reply

Your email address will not be published. Required fields are marked *

Secured By miniOrangeSecured By miniOrange