Ginhugpong nga pwersa sang animal rights group nagrally sa Bacolod Public Plaza agud ipanawagan ang pagpabaskog sang kampanya kontra sa animal cruelty.
Ini kasunod sang gin-alegar pagpamatay sang ido kag kuring sa compound sang Diocese of Bacolod.
Ang insidente ang ginpanginwala na ni Bishop Patricio Buzon.
Si Monsignor Ronald Quijano nga rector sang simbahan nagsiling nga wala sang mando nga nanggikan sa ila nga pamatyon ang mga ido kag wala ginatolerar sang simbahan ang amo nga pagpang-abuso.
Sa pihak sini ang grupo ang padayon nga nagalaum nga masuguran ma-usisa sang Bacolod LGU ang insidente.*