Nagpagwa sang announcement ang animal welfare group nga BACH Project PH nga sang kahapon, Domingo, napatay si TikTok, ang aspin nga ila na rescue sang tinalikdan nga binulan matapos gin Indian target sa banwa sang Murcia.
Sa statement ginsiling sang grupo nga yara sa paghinakop sang isa ka volunteer si TikTok kag nagwa ini sa balay kag nabungguan sang salakyan.
Gin athag man sang grupo nga wala si TikTok sa shelter nila bangud ginpalayo siya anay tuga sang kaso sang distemper didto.
Wala pa matumod kun sin-o ang naka bunggo kay TikTok.
Si TikTok ang nakilala bangud sang iya inagyan sang ma rescue siya nga may naga dulot nga mga Indian target sa iya nga lawas.
Gindala siya sa vet kag tigayon nga naka survive sa pihak sang iya kahimtangan.
Sang nagliligad nga semana naka intra pa ini siya sa fun run kag kahapon nagpahuway na siya.