May ginalantaw na karon nga apat ka mga “persons of interest” ang Calatrava PNP sa pagpatay sang anay tanod sa Sitio Peson, Barangay Minautok sa banwa sang Calatrava sadtong Biyernes, Hunyo 5.
Nakaangkon sang madamo nga igo sang bala sa ulo kag lawas si alyas “Momar” nga gintuna-an sang iya kamatayon, samtang ang iya hinablos nga si alyas “Rodel”, 22-anyos ang may pilas sa tiil.
Nag-gwa sa imbestigasyon nga yara sa sulod sang balay si alyas “Momar” upod ang iya asawa kag bata sang nag-abot ang apat ka mga persona nga nagapangita sa iya.
Ginsiling ni Police Capt. Jesus Alba, hepe sang Calatrava PNP, ginpa-arakan tiro sang mga armado ang biktima kag antes sila magpalagyo, ila ginkuha ang wallet sang biktima nga may unod nga P40,000 cash kag duha ka mga cellphones.
Nakuha sa crime ang mga fired cartridges sang caliber 5.56 nga ginagamit sa Armalite kag M16 rifles, pati na empty shells sang caliber .45.
Ikaduha na ini nga tion nga gintiro ang anay tanod.
“Ini siya according sa iya asawa, naga-buy and sell ini siya sang isda. But wala man namon gina-ano ang posibilidad nga ti ano siya drug personality ini ang aton nga victim, according sa barangay naga-engage man sa illegal nga droga. Last year gintiro man ni siya sa gwa sang iya balay sang mga armado. Nakaluwas siya sang nagligad tuig April 2025. One year lang kay pista to sa ila barangay sang pagkatiro sa iya”, suno kay Alba.*
[sibwp_form id=1]