Anay Silay City Mayor Carlo Gamban nasapwan nga patay sa iya nga kwarto kag may igo sang bala sa ulo sini gid lamang nga hapon.
Nasapwan nga patay sa sulod sang iya nga kwarto si anay Silay City Mayor Carlo Gamban mga las 2:30 sini nga hapon. Suno sa kay Lt. Col Mark Darroca, hepe sang Silay City PNP, may igo sang bala ang iya nga ulo sang masapwan sang duha ka mga kabulig nila sa balay.
May nabatian nga lupok ang ila kabulig gani gin usisa ang anay alkalde kag ila naabtan nga duguon na siya.
Gilayon nila nga ginpahibalo ang PNP.
Suno pa kay Darroca, patay na ang alkalde sang maabtan nila sa iya kwarto.
Dugang pa ni Darroca, gina usisa pa nila kun may foul play sa natabo.
Suno naman kay Silay City Mayor Joedith Gallego nga personal nga nagpadulong sa balay ni Gamban, sa inisyal niya nga nabaton nga impormasyon, accidental firing ang natabo.
Sang 2022 elections gin suportahan ni Gamban si Gallego.
80 anyos na ang anay alkalde nga malawig man nga nag pangalagad bilang mayor sang Silay.
As of press time wala pa sang opisyal nga pahayag gikan sa iya pamilya.
“Suno sa initial ko nga pamangkot amo na daw accidental firing.
Nakita ko sa kay mayor Gamban nami man ni nga pag katawo.
Last election nag suportar man siya”, suno kay Gallego.