Site icon Digicast Negros

Anay resort manager ginreklamo sang menor de edad nga iya gin blackmail nga makig hilawas sa iya para indi pag ipost ang ila sex video

YouTube player

Ini ang video nga kuha sa actual nga entrapment operation sang National Bureau Of Investigation sa sulod sang isa ka fast food chain sa Lacson Street sa Bacolod Miyerkules sang hapon.

Ang lalaki nga naga talikod kag naga puti amo si John Mark Hermano, siya ang subject sang entrapment operation. Pag suksok sang menor de edad sang iya kalo, sinyales na ini para sa mga operatiba sang nbi nga arestohon ang anay resort manager.

Suno sa agent in charge sang nbi bacolod nga si Atty. Renoir Baldovino, nagpadulong sa ila nga talatapan ang tagreklamo sang Lunes. Iya gina alegar nga gina blackmail siya sang suspek nga ipalaptahon ang ila sex video kag iya nude photos kun indi ini makig hilawas sa iya.

Dugang pa ni Baldovino nga nakilala sang menor de edad nga biktima ang suspek pinaagi social media. Naga kinahanglan sang kwarta ang biktima kag gina padal-an siya sang suspek kag sang ulihi may mga sexual acts na nga involved kag lipod sa ihibalo sang menor de edad nga gina record ang ini nga mga bagay.

Nasugilanon sang Digicast Negros ang suspek kag nag ayo ini nga indi lang anay mag hatag sang komento kay gina prerar pa sang iya abugado ang ila nga statement. Pero suno sa iya, indi matuod
ang mga akusasyon. Naga panindugan siya nga wala sang binastos nga video nga naka record sa iya nga cellphone nga yara sa karon sa custody sang NBI.

Mga kaso nga pag supak sang Child Abuse Law, Child Pornography kag sang Photo And Video Voyeurism Act ang mga kaso nga ginpasaka sang nbi batuk sa suspek sang kahapon.

Suno sa NBI, sa mga cyber crime cases nga gina uyatan nila, kalabanan diri may angut sa mga investment scam. Sini nga tuig, subong lang may amo sini nga reklamo.

Kun may biktima sang pag black mail nga may involve nga pag record sang video ukon nude photos, gina haylo ni Baldovino ang mga biktima nga manugid sa ila ginikanan kag magpalapit sa NBI.

Dapat kuno mag halong sa negatibo nga epekto sang social media kun sa diin may mga menor de edad nga ginapang into gani dapat ma giyahan sang mga ginikanan ang ila kabataan sa eksakto nga
Pag gamit sang social media para indi mabutang sa parehos nga sitwasyon nga gindangtan sang biktima.

Exit mobile version
Skip to toolbar