Nag positibo sa paraffin test ang anay Punong Barangay sang Bacong, Bago City nga si Federico Gayagas Jr. , samtang ang iya live-in partner nga si Carmelita Davila, nag negatibo.
Ini suno sa kay Bacolod City Police Office Director Police Col. Joeresty Coronica matapos nga mabaton sang iya nga opisina ang resulta sang paraffin test.
Ang paraffin test ang ginapatigayon para mahibaluan kun ang isa ka persona ang nagpalupok sang pusil pinaagi sa mga gun powder nga residue nga makit-an sa iya nga kamot.
Marso 7, isa ka shooting incident ang natabo sa Bangga Tomaro sa Barangay Sum-ag sa Bacolod sa diin nakita nga duguon ang anay punong barangay kag si Davila.
Una na gindeklarar nga dead on arrival sa ospital si Davila kag pagkasunod nga adlaw napatay man si Gayagas.
May mga matag-as nga caliber sang armas nga nakuha sa sulod sang ila gina sakyan nga pick up.
Base sa CCTV footage, wala sang riding-in-tandem nga nagpalapit sa salakyan.
Nagpahigad lang ini sa dalan kag nag pondo kay may linupok na sang pusil. Isa sa mga gina lantaw nga posibilidad basi nag agaway sang pusil ang duha.