Ang ini nga old building ang planta sang Coca-Cola sang una sa may 15th Lacson Street sa Bacolod City subong amo na sini ang sa sulod niya. Pinaka malapad nga outdoor nga food court kag may mga bazar pa sa sulod. Ini ang Bazket Bacolod ukon Bazar Market.
Kaina pormal na ini nga ginbuksan sa publiko.
Tanan nga ari diri mga local nga producers kag mga negosyante.
Halin sa pasalubong, kape, pastries, Thai food, Indian food, tanum, RTW’s, native bags kag pati dog food sarang mabakal diri.
May mga preska pa nga mga utan kag mga prutas nga gikan mismo sa mga local farmers ang sarang man mabakal diri.
Suno sa kay John Anthony Ledesma, ang in charge sang sales, marketing and events sang Bazket Bacolod, luyag nila nga mabuligan ang local businesses ilabi na ang mga start ups ukon ang mga naga sugod pa lang sa pag negosyo.
Halin sa pagbaligya sang kape sa ila nga balay, nangisog ang young entrepreneurs nga sanday Mark Anthony Verzosa kag Marianne Grace Limen nga mag bukas man diri sang kiosko bangud naga pati sila nga subong ang pinaka the best nga tyming para mag sugod sang negosyo.
Ini ang luyag matabo sang Bazket BCD nga mapa uswag liwat ang lakat sang negosyo kag pati na sang local tourism sa bacolod.
One stop shop ang goal sang organizers, nga sa isa lang ka lugar, ang tanan nga luyag kan-on kag baklon sang mga bisita ang ara diri.