Anay Negros Oriental Congressman Arnolfo Teves, Jr., ang ginsaylo na sa New Bilibid Prison sa Muntinlupa inoras matapos siya nga ma deport gikan sa Timor-Leste.
Suksok ang bulletproof vest kag kevlar helmet, si Teves ang gindala sakay sa bulletproof vehicle sa NBI detention facility sa sulod sang Bilibid.
Ginsiling ni NBI Director, Jaime Santiago nga ibutang siya anay sa solo nga room para mag acclimate siya bilang isa ka detainee. Iya man ginsiling nga indi si Teves paga hatagan sang VIP treatment.
Iya man ginpasiguro ang istrikto nga pagpatuman sang protocols.
Hwebes sang gab-i sang nagbalik sa pungsod si Teves.
Siya ang gina tudlo nga mastermind sa pag patay kay anay Negros Oriental Governor Roel Degamo kag siyam ka iban pa sadtong Marso 2023.
Biyernes sang aga nag atubang sa media si Teves upod ang iya nga iloy nga si Zenaida Teves kag abogado nga si Ferdinand Topacio. Ginapangabay ni Teves nga kuntani mangin madasig ang iya nga kaso.
Labing ginapasalamatan naman sang balo ni Degamo nga si Pamplona Mayor Janice Degamo ang pagkadakup kay Teves.
Iya ginsiling nga mangibabaw ang hustisya matapos ang duha ka tuig nga na tigayon na balik sa pungsod si Teves.
Iya ginsiling nga indi siya mag untat sa pag kigbato para sa yadtong nag antos sa mga kamot ni Teves. Ginapasalamatan niya man si Presidente Ferdinand Marcos, Jr.