Indi na pagdugayon pa sang gobyerno sang Timor Leste ang pagpabilin sa ila nga pungsod ni anay Negros Oriental representative Arnolfo Teves Jr., kag ginapaabot nga ma-extradite ukon ibalik na siya sa Pilipinas.
Suno kay Department of Justice Spokesperson Asec. Mico Clavano, mismo ang Presidente sang Timor Leste ang nagsiling nga malapit na nga mabalik sa Pilipinas si Teves.
Suno kay Clavano, nagalaum ang DOJ nga maumpisahan na ang extradition pagkatapos sang Papal visit sa Timor-Leste sa Setyembre 9 tubtub 11.
Si Teves ang naguwa sa pungsod sang nagligad nga tuig matapos siya itudlo nga mastermind sa pagpatay kay Negros Oriental Governor Roel Degamo sang Marso 2023.