Wala sang political plans sa karon si anay Kabankalan Mayor Isidro Zayco.
Ini ang iya ginklaro sa interview sang media kaina sang aga matapos siya ang nahatagan sang higayon nga mag hambal sa mga beneficiaries sang kasapatan sa 6th district nga ginsakdag sang probinsya sa banwa sang Ilog. Nalakip na diri ang gikan sa Kabankalan City.
Suno kay Zayco wala siya sang political plans sa karon pero ang posibilidad nga siya ang makabalik sa pulitika indi niya man mapat-od.
“Actually wala pa man ko plano”, suno kay Zayco
Dugang pa niya, nagkadto sya sa activity sang probinsya bangud may kinahanglan siya kay Governor Eugenio Jose Lacson.
Nangin mabaskug ang hinuringhuring nga magabalik sa pagka alkalde sa Kabankalan City si Zayco matapos nga na pierde sang nagligad nga eleksyon ni Mayor Benjie Miranda ang iya utod nga si anay Mayor Pedro Zayco.
“(Gina-entertain mo man ang possibility nga magbalik?) Wala lang ko kabalo, Dios lang kabalo”.
Dinekada man nga nagpamuno ang mga Zayco sa Kabankalan City.