Padayon ang imbestigasyon sa karon sang Cadiz PNP angut sa pag sulod kag pangawat sa balay sang anay konsehal sang siyudad nga si Ray Yee.
Suno sa PNP, ginsulod sang mga kawatan ang balay sang any konsehal pinaaagi sa pag kakas sang jalousy sa bintana.
Wala sang tawo sa balay sang amo nga tion suno sa pulis.
11 ka mga malahalon nga relo, nagkalain lain nga mga alahas kag bag ang nakuha sang mga kawatan.
Ini gina bulubanta naga balor tanan sa malapit 880,000 pesos.
Dugangan pa sang cash nga nakuha nga naga balor 285,000 pesos.
Ginahibalo pa sang PNP kun sino ang may posible kahimuan sang krimen bangud wala man sang may nakakita sa natabo nga pag pangawat.