Bisan si anay Councilor Homer Bais nakabaton sang mga impormasyon angut sa indi patas nga pagpatigayon sang botohay para sa pagpili sa duha ka dugang nga maga kandidato sa pag kakonsehal sa idalom sang Asenso Bacolod ticket sa 2025 elections.
Gani isa ka welcome development para sa iya nga ginpa-usisa ni Mayor Albee Benitez ang pinili-ay sa ginhiwat nga convention.
Si Bais ang isa sa anom ka mga nagpapili sa convention sang nagligad nga Domingo.
Wala niya na ginsaysay ang mga nakalab-ot sa iya mga impormasyon pending sang mangin resulta sang ginmando nga imbestigasyon sang alkalde.
Ginpahayag ni Mayor Benitez nga posible ma-invalidate ang botohay kun mapat-ud nga wala nangin patas kag wala nangin neutral ang mga punong barangay sandig sa ginkasugtan sang pinili-ay.