Anay Hinoba-an Mayor Ernesto Estrao ang may plano nga mag papili bilang Congressman sa 6th District sa 2025.
Sa interview sang media kaina sang aga, ginsiling ni Estrao nga may posibilidad ang iya nga pag papili para sa 6th District pero iga finalize pa ini. Natalana pa ang ila nga pagsapol kasubong man pag take oath sa PDP – Laban sa madason nga semana.
“May posibilidad. Pero ma finalize pa natun sa next week kay may oathtaking pa kami sa PDP-Laban”, suno kay Estrao.
Gin-ako man ni Estrao nga siya ang naga libot gid man sa karon sa banwa. Gina pangabay siya sang pila ka mga grupo suno sa iya nga magpapili.
“Ginatawagan kita sang aton mga classmate nga ara man sa barangay, iban kapitan, iban mga kagawad. Iban mga leader sang mga farmers organization. Sila mismo naga ayo sa aton ma dalagan para at least may ara sila sandigan”, suno kay Estrao.
Ginsiling ni Estrao nga siya ang katapo sang United Negros Alliance pero nangin inactive sang indi na siya mayor.
Subong, siya ang ginbutang nga temporaryo nga District Chair sang PDP-Laban.
Ang PDP – Laban ang gina pamunuan ni Congressman Chito Alvarez sang Palawan. Chairman Emeritus naman si anay Presidente Rodrigo Duterte.
Samtang, yara naman karon sa iya nga second term si Congresswoman Mercedes Alvarez sang 6th District.