Nagapadayon sa karon ang consultation ni anay Hinoba-an Mayor Ernesto Estrao sa sixth District.
Suno kay Estrao nga pamuno sang PDP sa 6th District, may pila ka mga taga Hinoba-an nga nag istorya sa iya kag luyag siya nga mag papili bilang board member. Pero suno sa iya wala ini gina ugyunan sang pila ka mga grupo nga iya na istorya sa iban nga banwa kag siudad sakop sang 6th District. Suno sa iya, luyag nila nga mag papili siya bilang congressman bangud sarang ang amo nga position makadala sang bulig sa lugar. Wala pa man sang final sa karon, kag mahibaluan ang tanan antes sang filing sang Certificates of Candidacy suno kay Estrao.
“Indi man ni pwede nga aton lang kaugalinong ang pasugtan naton, indi man ta kapadaog sang aton kaugalingon. We have to consult amo na ga lagaw kita sa kada banwa kag siudad”, suno kay Estrao.
Incumbent Congresswoman karon sang 6th District si Mercedes Alvarez. Ginsiling ni Atty Jesus Hinlo kahapon, ang provincial council president sang PDP nga padayon ang consultation sang ila nga partido para mapat-od kun kinahanglanon ang pag field nila sang kandidato gikan sa partido. Ginsiling ni Estrao nga wala sila sang iga field kontra kay Mayor Daph Reliquias sang Hinoba-an nga himata man sang iya asawa. Sa iban nga banwa kag siudad sakop sang distrito, premature pa para makasiling kun may iga field sila nga kandidato.
3:02
“Kun paga hambalan ang resources, wala man kita sang ipabugal kay pigado kita nga tawo. Manggaranon lang kita sa batasan kag manggaranon lang kita mga amigo kag amiga sa liblib nga lugar nga candoni”.