Anay pamuno sang Provincial General Services Office ang ginreklamo sang estafa kag gina alegar misrepresentation.
Sang Lunes isa ka entrapment operation sa Bacolod City ang ginpatigayon sang National Bureau of Investigation- Bacolodkun sa diin subject si Lucille Pines matapos makabaton sang reklamo gikan sa mga indibidual kag mga negosyante.
Sa reklamo, nakasaad nga gina tiglawas ni Pines ang Sheen Consumers Cooperative. Ini ang may purchase order para sanagkalain lain nga mga materyales. Naga pangita sila sang mgafinancier para matigayon ini.
Ginpromisahan sila sang 3 tubtob 8 percent interest.
Sang ulihi sandig sa reklamo ginsiling ni Pines nga iya gina tiglawas ang Homemakers Enterprising Association of Negros Occidental ukon Heano, nga yara sa Brgy Bata.
Sang March 2023, nagahinyo naman ini sang financier para sapurchase order gikan sa DepEd San Carlos City.
Nag pa gwasang certification ang DepEd San Carlos nga wala sila sang transaction sa Heano ukon kay Pines.
Suno kay NBI Chief Renoir Baldovino, 150,000 pesos ang balorsang kwarta lakip na boodle money ang na recover gikan saentrapment operation kay Pines.
Pero sa Inquest Resolution with order of release, gin-convert ang complaint batuk sa iya saregular preliminary investigation, rason nga gin release si Pines kag siya ang maga file sang counter-affidavit.
Sa kabilugan, may mga 30 milyones pesos suno kay Baldovino ang tigayon na pa gwa sang mga indibidual kag negosyante ngana transaction ni Pines.
Sa pag pakig-angut sang DigicastNegros kay Pines, iya gin paiway anay ang pag hatag sang pahayag kag iya ginsiling nga sa naga kaigo nga tion kag forum iya nga sabton ang mga alegasyon batuk sa iya.