Ginkansela na sang Department of Foreign Affairs ang pasaporte ni anay Negros Oriental Cong. Arnolfo Teves, Jr., nga tubtub sa karun gina siling nga naga pabilin sa Timor Leste.
Ginkumpirma sang Department of Justice nga magahingyo na sila sa gobyerno sang Timor Leste nga ipa-deport ang anay mamalidha.
Sa isa ka pahayag, ginsiling ni Justice Assistant Sec. Mico Clavano nga nagpadala na sila sang request letter sa Timor Leste nga pabalikon ang anay opisyal sa Pilipinas.
Kun batunon sang Timor Leste ang request sang Pilipinas, suno sa DOJ mapasabat na si Teves sa mga kaso nga ginpasaka batuk sa iya may kaangtanan sa pagpatay kay anay Negros Oriental Governor Roel Degamo.