Shadow

Anay CJ Sereno: Indi mag pili sang lider nga corrupt

Indi magpili sang lider nga corrupt. Ini ang mensahe ni ang Chief Justice Maria Lourdes Sereno sa mga estudyante sang Carlos Hilado Memorial State College sa ginpatigayon nga value-based voter education program sini nga “Tamang Kandidato” sa idalom sang National Service Training Program.

Dapat makahibalo ang mga botante nga magpanukot ukon mag pasabat sang mga yara sa pwesto suno sa iya para indi maka pang abuso ang mga yara sa public service.

“Huwag bumoto yung mayrong history ng pagnanakaw. Huwag bumoto ng mga okay lang sa kanila na kakampi ang magnanakaw,” suno kay Sereno.

Dugang pa niya dapat mag pangita sang lider nga kabalo man mag appoint sang matinlo kag nagakaigo nga persona sa pwesto.

“Yung kaya niyang mag appoint kahit hindi niya kilala at kahit kaya pa siyang banggain”, suno kay Sereno.

Panugyan man ni Sereno sa mga pamatan-on sa amo nga virtual voter education program nga ginsakdag sang Oktubre 16, nga dapat aktibo nga pamatukan sang mga botante ang ideya nga pwede lang ang kinawatay sa gobyerno kay madamo man sa gobyerno ang naga buhat sini.

Ginsiling niya nga indi matuod ini, kay madamo man sang matinlo nga yara sa gobyerno kag wala sang record sang anomalya.

Magpili man sang lider nga makapatuman sang hustisya suno sa anay chief justice.

Dapat kilalahon sang mga pamatan-on ang ila nga kaugalingon kag kun ano ang papel nila sa sosyedad lakip na ang ila nga kinamatarung agudto indi madala sa suhol ukon ano man nga pag pang into ukon mga padihot sang mga pulitiko.

Magdesisyon suno sa iya base sa kun ano ang ginapatihan kag konsiyensya kag ma tib-ong ang kamatuoran.

“Kaya’t kailangan kayong mag organisa at sama samang kumilos. Kasi ang tamang pagkilos lamang po ang susi ng pagbabago ng pamamalakad sa lipunan”, suno kay Sereno.

Ang tamang pagkilos ang naga lakip sang mga buluhaton nga “maka-Diyos, maka-tao, maka-bansa” suno sa iya.

Klaro sang anay chief justice wala siya sang may gina endorso nga pulitiko.

Kaupod man ang Technological University of the Philippines – Visayas kag Northern Negros State College of Science and Technology sa ginsakdag nga virtual voter education program.

Leave a Reply

Your email address will not be published. Required fields are marked *

Secured By miniOrangeSecured By miniOrange