Anay Board Member nga si Atty Reynaldo Novero ang karon naga serbe nga City Administrator sang siudad sang Kabankalan.
July 19 sang nagsugod pungko bilang City Administrator si Novero. Suno sa iya, siya pa lang sa karon ang sa department level, sa bahin sang mga appointees, ang nakapungko bilang regular, kag ang nabilin nga mga position gina tapuaan sang mga yara sa acting capacity.
Anay City Administrator naman sang Silay nga si Atty Jose Edward Davila ang acting City Legal Officer sang Kabankalan subong.
Suno kay Novero wala naman sang may iban pa nga taga Silay nga gin appoint bilang department head.
Kun may mga taga Silay man nga yara karon sa City Hall sang Kabankalan suno sa iya ilisipon lamang.
May yara nga na assign sa City Mayor’s Office kag may na hire man bilang casual base sa ila nga skill. Kabahin sang thrust sang administrasyon ni Mayor Benjie Miranda ang continuity kag unity para sa pag uswag sang Kabankalan, rason nga wala siya sang may gin kakas sa trabaho gikan sa daan nga administrasyon. Ang Job Order kag casual naga pabilin sa karon sa city hall.
“Ang ginhimo ni Mayor Benjie is wala siya may gin tanggal nga mga empleyado halin sa previous administration, gin adopt lang ni Mayor Benjie ang tanan nga ara na nga daan labi na gid sa mga job order kag casuals”, suno kay Novero.