Anay area supervisor sang BTAO nga nagtuyo mag-rally sang wala madala sa listahan sang plantilla workers nakakas sa serbisyo.
Wala labot sang tatlo ka mga traffic personnel nga nakakas sa serbisyo sang Disyembre 31 sang nagligad nga tuig tungod sang gina-alegar pagpapangilkil, wala man gin-renew ang kontrata ni John Rey Sarona nga anay area supervisor sang Bacolod Traffic Authority Office.
Si Sarona nga isa ka anay job order worker ang gintumod ni Bacolod Traffic and Transportation Management Department Deputy Jose Antonio Robello nga namahug nga magrally sang wala gindala ang iya ngalan sa listahan sang mga plantilla worker.
Siya man ang nag-akusar sanday Robello nga nagabaton sang komisyon gikan sa towing company.
Butang nga gin panginwala na sang pamunuan sang BTTMD.
Gindugang ni Robello nga work ethics ang kabahin sa mga kabangdanan kun ngaa wala na-recommend ang anay area supervisor sa plantilla position.