Tarlac First District Representative Carlos “Charlie” Cojuangco ang nag taliwan sini nga Martes sa edad nga 58.
Sa Facebook post sang iya asawa nga si China Jocson nakasaad ang kasubo sa pagpahibalo sang pagtaliwan ni Cojuangco. Gina pasalamatan naman ang pagpangamuyo para sa ila nga pamilya sa tunga sang ila nga kalugaw-an. Wala naka butang ang gintunaan sang iya nga kamatayon.
Sa Negros occidental, naka half mast ang hayahay sang Kapitolyo Probinsyal sa pag-upod sa kasubo sang pamilya Cojuangco.
“We mourn the passing of the late Congressman Charlie Cojuangco” suno kay Negros Occidental Governor Eugenio Jose Lacson.
Suno kay Lacson, nga kaupod ni Cojuangco sa Nationalist People’s Coalition, sa mga tiun nga sila ang nag-pakig-angut ila nga gina istoryahan ang pag uswag sang probinsya.
“We can always just remember what he has done for Negros Occidental when he was representative for the 4th District. Although we were not always in touch, the few times we were together, we always talk about progress. Even though he was already Congressman of the First District of Tarlac, he would still talk about Negros Occidental”, suno kay Lacson.
Nag serbe nga Congressman sang 4th district sang Negros Occidental si Cojuangco sa 11th, 12th kag 13th Congress. Nag serbe man siya nga alkalde sang Banwa sang Pontevedra.
Siya ang Chair sang House Committee on Flagship Programs and Projects kag Vice Chairperson sang Committee on Appropriations.