Shadow

Anak sang negosyante nga si John Sy patay sa pagpaniro sa Bacolod

Diri sa corner sang BS Aquino Drive kag Lacson Street sa Bacolod City sa tabok sang isa ka fastfood chain gin tuparan sang duha ka mga lalaki nga naga sakay sa separado nga mga motorsiklo ang SUV nga gina maneho sang anak ni John sSy nga si Jeffrey Kengteng mga pasado las dose sang udto kaina.

Gin paulanan siya sang tiro. Si Kengteng naka drive pa palagyo derecho sa BS Aquino Drive.

Paglampuwas sa Police Station 2, nag drecho sa bakante nga lote ang SUV. Suno sa pulis, posible pilason na ang biktima pero naka palagyo pa.

May isa ka e-trike driver nga naka saksi sa pagpalapit sang isa ka lalaki nga naga itom nga jacket sa salakyan kag nagpalupok pa gid sang pusil.

Pero suno sa deputy chief sang Police Station 2 nga si Police Lt. Jovito Pastrana, indi pa nila makumpirma ang amo nga impormasyon.

Sa inisyal nga pagpangusisa sang PNP, may nabaton sila nga impormasyon nga posible away sa propedad sang pamilya ang motibo sa krimen.

“Sa motive gina lantaw ta ang possible diri may information kita nga may property dispute with in the family. Sorrounding sa family circle at the same time ang second motive nga gina lantaw ta amo na grudge kun ara pero ang pinaka una ang gina tagaan ta focus anay”

Pero suno pa kay Pastrana ila pa paga tun-an ang iban pa gid nga mga anggulo.

Secured By miniOrange