Anak patay matapos ginlabo sang iya nga amay sa bisperas sang Father’s Day.
Patay ang 42 anyos nga si Carlito Bini matapos sila nga mag lab-anay sang iya amay nga si Rebico, 65 anyos sang Sabado sa Barangay Maslob sa Calatrava.
Sa imbestigasyon sang Calatrava PNP, nabatian sang anak ang pag pang-utod sang puno sang kahoy sang iya amay kag iya ini gin kaakig bangud iya gina angkon ang amo nga puno.
Nag baisay suno sa pulis ang mag amay kag gilayon na lang gin labo ni Carlito ang iya amay nga nag agum sang pilas sa kamot.
Nag balos man ang amay labo sa tuhod sang iya anak kag gilayon nga nag palagyo.
Dead on arrival sa ospital ang anak.
Tigayon man nga nadakop sang PNP ang suspek.
Kaso nga parricide ang ipasaka batuk sa iya.