Amusement area sa South Capitol Road gintugutan sang konseho nga maka-operate sa MassKara Festival.
Sang nagligad nga session, gin-defer ni Councilor Celia Flor ang hinyo sang Bacolod Yuhum Foundation nga mapahanugutan ang 5 Star Mobile Carnival nga maka-operate sang amusement area sa South Capitol Road para sa MassKara Festival.
Ini tungod man sang kabalaka nga magtuhaw ang peryahan kasubong sang na-demolish nga kiosko sang operator sa Bacolod Public Plaza.
Nagpasalig ang operator nga wala sang perya kag sugal kundi mga rides lamang ilabi na ang para sa mga kabataan ang ila iga-install sa area.
Gani upod sa katapo sang konseho, nagpabor diri ang konsehal nga amo man ang nagapamuno sang Committee on Markets sang konseho.
Wala gihapon nagpabor si Councilor Jason Villarosa sa request sang foundation tungod sang kabalaka nga magtuhaw ang peryahan sa Lacson Tourism Strip nga kabahin sa mga festival sites sang tuigan nga selebrasyon.