Wala nakaluwas ang driver kag pasyente sang ambulansya matapos ini ang nagbaliskad.
Patay sanday Richard Cordova, 56-anyos, driver sang ambulansya kag ang pasyente nga si Elojaylo Bayona, 41-anyos matapos nga magbaliskad ang gina sakyan ila nga ambulansya sa National Highway sang Brgy. Bug-ang banwa sang Toboso
Pilason naman sanday Rowena Eva, isa ka midwife, Leah Prino kag John Daryl Cordova.
Suno sa kay Police Major Jun Ray Batadlan ang hepe sang Toboso PNP, padulong sa ospital sa Sagay City ang pasyente bangud nga ini ang na stroke.
Paglab-ot sa lugar sang insidente, nadulaan sang control sa salakyan ang drayber gani nag awas ini sa dalan kag nag baliskad.
Ginhingagaw dala sa ospital ang mga biktima apang gindeklarar sang doctor nga dead on arrival ang driver kag pasyente.
Nagapadayon ang imbestigasyon sang kapulisan sa natabo nga insidente.