Nakabunggo ang ambulansya sang banwa sang La Castellana sa isa ka tricycle nga nag overtake sa Brgy. Antipolo, Pontevedra, kahapon sang hapon.
Sang naghingagaw preno ang ambulansya nadulaan ini sang balanse, nagtiyog kag natumba.
Nadalasa sang ambulansya ang duha ka mga motor nga naga park sa kilid sang dalan.
Ang driver sang ambulance ang ginkilala kay Warren Montero.
Ang pasyente nga pagadal-on kuntani sa Bacolod amo ang isa ka bata nga gina hapo upod sa iya iloy.
Nakaangkon sang pilas sa agtang ang iloy samtang luwas naman sa katalagman ang bata.
Ang driver sang tricycle ang wala nakilala matapos gina alegar nagpalagyo kasunod sang insidente.