Patay ang 55 anyos nga si Jose de Leon matapos ini gin buno-buno kag gin labo-labo sang iya anak kagab-i sa Sayson Village sa Barangay Felisa sa Bacolod City.
Suno kay Major Richard Fajarito, hepe sang Police Station 10, nagpauli nga hubog si de Leon kag iya sini ginsakit ang iya iloy ukon ang lola sang bata gani na impito ang bata kag gin labo-labo ang iya amay gamit ang sadol.
Iya man ginbuno-buno ini gamit naman ang kutsilyo.
Masami suno pulis nga gina sakit sang amay ang iya sini iloy kun naka inom. May deperensya sa pamensaron ang anak suno kay Fajarito. Desidido man ang pamilya nga pasakaan ini sang kaso.