Duguon kag palareho nga naga higda sa salog sang maabtan sang kapulisan sang Sabado sa ila balay sa Barangay 4, Himamaylan Vity, ang 25 anyos nga si Mary Rose Egca, iya isa ka tuig nga anak kag pito ka bulan nga lapsag, pati na ang iya live in partner nga si Raymundo Diaz nga amo ang suspek sa pag pangluthang.
Sandig sa imbestigasyon sang PNP, nabatian lang sang kabulig nga naga baisay ang duha sa sulod sang balay kag gulpi na lang iya nabatian ang sunod sunod nga lupok.
Dead on arrival sa ospital si Egca kag ang duha niya ka anak. Napatay man pag ka sunod nga adlaw ang suspek.
Suno kay Lt. Arturo Margallo, deputy chief sang Himamaylan PNP, nag baisay ang mag live in partner bangud sa wala gin tugutan ni Diaz nga mag pauli sa iya nga pamilya si Egca para didto tani mag saulog sang iya sini kaadlawan.
Gulpi niya na lang suno sa pulis gin tiro si Egca pati na ang duha ka kabataan antes tiruhon man ang iya kaugalingon.
Ginahibalo pa sang PNP kun ano pa ang motibo sang suspek sa pag patay sa iya partner kag sa mga bata.