Senatoriables sa idalom sang Alyansa para sa Bagong Pilipinas nagpasalig sang pondo para sa Negros Island Region sa 2026.
Nakasandig pa sa Region 6 kag 7 ang pondo sang Negros Island Region nga karon operational na.
Ginsiling ni Senador Francis Tolentino nga ang kakulang sang pondo para sa mga infrastructure projects labi na ang pag patukod sang mga regional offices ang isa sa mga nagapabilin nga kabudlayan sa idalom sang bag-o nga rehiyon.
Pero nagapati siya nga ang kinahanglan amo nga dapat mapabaskog sang Department of Budget and Management ang pagpasiguro sang pondo para sa mga regional agency agud nga masabat ang tagsa ka mga budgetary requirement.
Nagpasalig naman si anay Senador Panfilo Lacson nga siguraduhon nila nga mapatuman ang pagtalana sang kinahanglan nga pondo para sa 2026.
Gindugang niya nga kun naga kaangay ang paghanda sang multi-year nga pondo para sa Negros Island Siquijor Region ang iya suportahan.