Alkalde sang siudad sang Talisay ang nagapanawagan sa komunidad nga mangin alerto ilabi na kun may namutikan nga mga nag abot nga mga stranded individual nga wala nag paidalom sa swabbing.
Suno kay Mayor Neil Lizares, isa sa ila nga pagpanghangkat nga gina atubang karon amo nga may mga naga pinauli gikan sa Iloilo paagi sa puerto sa Bacolod nga wala naga coordinate sa lokal nga panguluhan sang Talisay.
Suno kay Lizares, labing gina tinguhaan nila nga mapanubo ang kaso sang COVID-19 sa Talisay City.
Gani kun may mga indibidual nga naga likaw mag pa swab kag ini sila ang maga derecho sa ila tagsa ka pamilya, naga taas ang risgo.
Sandig sa protocol, gina paidalom sa swabbing sang Negros Occidental ang mga nago abot sa probinsya.
Wala naman sang swabbing nga gina patuman ang Bacolod.
Sa karon may 18 ka active cases ang Talisay City. 21 ang napatay nga positibo sa COVID-19 kag 16 na ang COVID-free barangays.