Temporaryo nga nahunong sang Sabado sa police station ang alkalde sang Ayungon, Negros Oriental matapos sini mabungguan ang isa ka senior citizen nga naga tabok sa dalan Biyernes sang gab-i.
Dala ni Mayor Dennis Amancio ang iya pick-up nga amo ang naka bunggo sa biktima nga si Manuel Palallos sa highway bahin sang Barangay Awaan sa Ayungon.
Suno sa PNP, padulong kuntani sa banwa sang Tayasan ang alkalde sang iya mabungguan si Palallos nga naga tabok sa dalan.
Nakainom suno sa pulis ang biktima kag gulpi lang ini nag tabok, dugang pa nga madulom ang lugar amo nga nabungguan siya sang alkalde.
Nag areglo naman suno sa PNP si Mayor Anuncio sa pamilya sang biktima nga iya man himata.