Nagkalain lain nga mga litrato sang mga kandidato nga mahimo maupod sa line up ni anay 3rd District representative Albee Benitez ang nag ginuha sa Facebook.
Yara sanday Kalaw Punetevella, Thaddy Sayson, Homer Bais, Patrick Lacson, Jason Villarosa sa isa ka post nga may title nga Team Albee Benitez.
Sa isa pa gid ka bersyon sini naupod na ang negosyante nga si Vladi Gonzales. May Team Albee Benitez pa gid nga 1 Bacolod nga post nga naga upod naman sang hitsura nanday congressman Greg Gasataya, Councilor Israel Salanga, Dindo Ramos, Bart Orola, Ann Marie Palermo, Cindy Rojas, Simplicia Distrito, Carl Lopez kag Al Victor Espino.
Ang mas ginka kibot sang netizens ang litrato sang gina tawag nga the “big three.” Kaupod ni Benitez sanday Congressman Gasataya kag Vice Mayor El Cid Familiaran.
Kaina sang aga ospiyal nga nag pagwa sang statement si Benitez sa iya Facebook page. Suno sa anay kongresista wala pa siya sang opsiyal nga line up.
Kag antes sang katapusan sang bulan sang Setyembre iga anunsyo niya ang iya nga mangin desisyon.